Bhaibheri
Fr J. Dandiro Hwata
Chorus
M: S/A Baba vaMambo Yesu, ngavarumbidzwe, vaimbirwe V: S/A Mwari-ri ngavatunhidzwe – Baba vaMambo wedu Yesu Kristo ngavarumbidzwee – Mwari vakudzwe – vakatikomborera – isu vanyakubatana naYesu – nokutipa makomborero – makomborero, ezvomweya anobva kudenga. B Baba vaMambo – Baba vaMambo wedu Yesu Kristo Tenzi vaimbirwe – Mwari vakudzwe – vakatikomborera i-su vanyakubatana naYesu nokutipa makomborero amakomborero makomborero, makomborero ezvomweya, anobva kudenga.
1
Tenzi akatisarudza pasi pasati pavapo nokuda kwetsitsi dzake dzakanyanya.
2
Iye akada kuti isu tive vana vake, vasina chakaipa chose.
3
Iri izano rake kuti tizogamuchirwa muumambo hwake.
4
Izvi ndizvo zvaakati zvichazosakiswa naKristo.
5
Mwari ngaasvinudze maziso emweya yedu tione kutendeka kwake kunesu.
6
Mwari ngaakudzwe arumbidzwe – Baba vaMambo wedu – rini – narini.
7
Mwari akatinatsa tose kuti mbiri yorudo rwake izadze pasi pose.
Chorus
S/A Mwari akatisarudza kuti tive vagari venhaka yedenga – akatikomborera – akada kuti tive vana vake nokuda kwaKristo – zita rake rirumbidzwe – akatida ngatimutunhidze – timupe mbiri. B Mwari akatisarudza ku-ti tive vagari venhaka yedenga akatikomborera akada kuti, tive vana vake nokuda kwaKristo – rikudzwe – Tenzi wenyasha ngatimutunhidze timupe mbiri.
Keep reading without a network
The free app carries every book, every hymn and seven Bible versions on your phone.