Sezva ndiri ndinouya

1

Sezva ndiri, ndinouya Ndisina chandakanatsa, Asi ndimi mandidana, Ndinouya Ishe.

2

Handinonoke kubviswa Zvitadzo zvandakaita, Kwamuri munochenisa Ndinouya Ishe.

3

Kunyange ndodzungaidzwa Namadzudzo omumwoyo. Ndichinzwa kurwa nokutya Ndinouya Ishe.

4

Murombo, bofu razvidzwa, Ndichapona nemi chose, Ndichapfumiswa kwamuri, Ndinouya Ishe,

5

Munozondiregerera Ndigam'chirwe, ndicheniswe, Nokuti ndokubvumai Ndinouya Ishe.

6

Rudo runondishamisa Rwakakunda chakaipa; Kuti ndive wenyu chose Ndinouya Ishe.

7

Nenzira yorudo rwenyu Kuzorunzwa zvakakwana Pano zvino nokudenga, Ndinouya Ishe.