Jesu wangu watsaurwa

1

Jesu wangu watsaurwa, Upenyu hwenyu munondipa, Imi mashananguka sei! Vokudenga navatumwa Vanozvimhura, vachiona Ushanangurwa hwenyu, SHE! Makatsawurwa sei! SHE, ndimutererei! Jesu wangu, Ndinatse ’ni, Nditodze’mi, Ndigozoshanangurwawo!

2

Makashuma, makabata Mabasa enyu, mafumira Kubata nokupedzawo; Makavata muchipira, Wedenga muchimushumira. Ndiite neni izvozvo, Usimbe ndisina; Ndichingoderowo; Ndisvinure, Ndinatse ’ni, Nditodze’mi, Ndigosvinura neniwo!

3

Shanangurai mwoyo wangu Masimba, nokushuva kwangu, Ndigofanana nemi, SHE! Ziso rangu, uye gumbo, Mibato yangu nemifungo. Pazvose ndigotodzemi! Zvikuru chinatsai Mwoy’ wangu, tsawurai! Jesu wangu, Ndinatse ’ni, Nditodze’mi, Ndishanangurwe chosewo!