Rudo Chinhu Chakanaka

1

Rudo chinhu chakanaka Runotenda zviro zvese, Runodisa vanhu vese Runopinda zviro zvese.

2

Rudo harutadzi irwo, Haruchazoperi, kwete, Rudo haruchazoneti, Baba wedu ndiye Rudo.

3

Rudo runotungamira Kune nzira yakanaka, Runoita zviro zvese Kuti zvive nyore izvo.

4

Rudo rune tsitsi huru Kune vanorwara vese, Runoita zvakanaka Kune vakaipa vese.

5

Rudo rwakakomba kwazvo, Rwakasvika pasi pano, Rwakatipa ruponeso, Runosvika nyika dzese.

6

Ngatiteerere Mwari, Ndiye wakatida kwazvo, Ngatimude zvirokwazvo, Ndizvo tinogara naye.