Zvingagova Sei Kuti

1

Zvingagova sei kuti Ndisunungurwe naIshe, Ndiye wakafira ini Ndakamukonzera kufa, Chishamiso chakadini Mwari makafira ini.

2

Mashura! Mwari kufa? Mazano anoshamisa! Ngirozi dzokundikana Kunzwisisa rudo rwake. Tsitsi dzake! Ngatikudze, Ngirozi dzoshamisika.

3

Wakasiya denga rake Nenzira yengoni dzake, Wakazvidurura chose, Wakafira isu vanhu. Tsitsi dzake dzakanyanya Dzakasvikawo kwandiri.

4

Mweya wangu wakasungwa Nemajoti ezvitadzo, Ziso renyu randiona Randipenyera zvikuru. Ndakabiswawo majoti, Ndabva ndatevera imi.

5

Handitye zvino kutongwa, Jesu nezvake ndowangu, Maari ndava mupenyu, Ndaruramiswa naIshe, Ndoswedera kuna Mwari, Ndipihwe chiremba naShe.