Jesu Wanditungamira

1

Jesu wanditungamira Ndanga ndiri mune dima, Ndakaiswa mukupenya Neshamwari dzakanaka. Ndikadzidza kuteura Kuna Baba naM'ponesi, Akandipa mwoyo mutsva Nendaramo yakanaka.

2

Jesu wanditungamira Nguva dzese dzeupenyu, Ndazopiwa zano rake Kusarura zvakanaka Nekuita mwoyo chena Kune vanotambudzika, Zvino ndinotenda kuti Jesu wanditungamira.

3

Jesu wanditungamira Nekufadza mwoyo wangu, Tsitsi dzake dzakakwana, Zvipo zvake zvakawanda; Ndikaneta nekufamba, Kana mweya une nyota, Inobuda pano nzira Tsime yerufaro iyo.

4

Jesu wanditungamira, Handichadi chimwe chinhu, Ndinotenda ngoni dzake, Uyo anondichengeta, Ndine runyararo zvino Nekutenda kuna iye, Ndinoziva Tenzi wangu Anoita zvakanaka.

5

Jesu wanditungamira, Rudo rwake rwakakomba, Ndatsidzirwa ruzororo Kune imba yake, Baba; Apo ndinobururuka Kune musha wake, Mwari, Ndichaimba nguva dzese. Jesu Wanditungamira.