Uyu Ndiye Mufudzi

Chorus

1. Uyu ndiye mufudzi, watumwa naMwari Baba Kuti afudze hwai dzake, nokudzipa kudya kutsvene

Chorus

Shoko rakabva kumusoro, kumusoro kuna Mwari Baba Baba tatenda hedu, makomborero amatipa. 2. Baba matipa ndimi, mupriste nomuzorwi wenyu Svikiro Muteketerwi wenyu, mufudzi wenyu nhumwa yenyu 3. Baba chichengetai, muzorwi wenyu wamatipa Arurame pamberi penyu, atsige somuranda wenyu 4. Baba mauya pano, mativigira mumvuri wenyu Vhumbamirai nhiyo dzenyu, dzisai gomborero renyu 5. Baba mamusarudza ndimi, mupriste wenyu nhumwa yenyu Anopira mupiro wenyu, wokupfupira zvivi zvedu 6. Baba makamumutsa ndimi, musarudzwi murevereri wedu Nezvipo zvaMweya Mutsvene, rugare rudo ruve nesu 7. Baba garai nesu, mutandare navana venyu Tatenda matipa mufudzi, tatenda gomborero renyu 8. Baba shoko matipa, rerupenyu noruponeso Rapai pasi padekare, rikudzwe zita renyu dzvene 9. Baba matipa ndimi, mupriste nomuzorwi wenyu Muteketerwi svikiro renyu, mupirwi nokusingaperi