Musi wehasha nokutya

1

Musi wehasha nokutya, Musi wokuchema kwazvo Unozadziswa matama, Avaprofita vakare.

2

Munhu achafa nokutya, Kana Mutongi asvika, Mutongi mukuru Jesu, Isu tinogomirepi?

3

Ndinogodiiko ini? Ndogotetererwa nani? Panenge tsitsi dzodiwa, Nawo musi wokutongwa.

4

Jesu ruponiso rwangu, Imi makazova munhu, Rega kundisiya ndega, Ndive mutandwi naMwari.

5

Makazonditsvaka ini, Mukanditenga neropa, Ngoni dzakadaro Ishe, Hadzingaitirwe nhando.

6

Hongu, ndine mhosva ini Ndiri munyadzisi ini, Ndinochema zvakanyanya, Mwari ndinzwirei tsitsi.

7

Yose miteuro yangu, Haine basa kwamuri, Bedzi ngoni dzenyu Ishe, Dzingandinunure ini.

8

Ndinopfugama netsitsi, Ndinorwarira zvitadzo, Onai mwoyo wangu She, Uyai mundiponise.