BhaibheriKwese Ndinoenda
UMC Nziyo 222
1
Kwese ndinoenda ndina Jesu Kristu Ndinotungamirirwa ndiye misi yese, Ndine runyararo kwese ndinoenda, Ndizvo ndinotenda iye nekumuda.
Chorus
Nguva dzese kwese kwese Ndinosimbiswa, Kwese ndina Jesu Ndinofara'yo
2
Kwese ndinogara ndina Jesu Kristu Ndinokomborerwa ndiye muupenyu, Kana nepakufa ndichatorwa ndiye, Jesu ndiye anogutsa mwoyo wangu.
3
Kwese ndinofamba ndina Jesu Kristu, Kana ndiri mweni ndine umwe neni, Nemukati mwe'dzo hama ndinofara, Kwese kwese mwoyo wangu unofadzwa.
4
Kwese nepabasa ndina Jesu Kristu, Ndiye anondibatsira nguva dzese, Ndinokunda ndiye madambudzo ese, Nguva dzese, kwese ndinonyinda ndiye.
5
Kuti ndichirwara ndina Jesu Kristu, Anondiponesa, ndinorapwa ndiye, Mweya nemuviri ndinozvipa iye, Nhasi nemangwana nekusingaperi.
Keep reading without a network
The free app carries every book, every hymn and seven Bible versions on your phone.