Baba Munopiwa Mbiri

1

Baba, munopiwa mbiri ngemabasa enyu Zuva pasi nenyeredzi zvinomupa mbiri, Nemakomo nemikana zvinomutunhidza Shiri dzese dzemudenga dzinomuimbira.

2

Zvinhu zvese zvakanaka zvinokudza imi, Nemaruva emusango anomuwonesa; Minda, miti, zviyo, zvese zvinomupa mbiri, Vanhu vese vakanaka vanomutunhidza.

3

Asi munhu ndiye m'kuru kune zvakasikwa Wakakomborerwa kwazvo anotonga zvese; Ndizvo zvakatifanira kuremedza Baba, Uyo wakatisikira zvinhu zvakanaka.

4

M'tsvene imi wekudenga, M'tsvene Mweya M'tsvene, Ruremedzo ruri rwenyu nekusingaperi; Rukudziso kune imi. O Mukuru kwazvo, Tinofara kumukudza Mwari M'tsvene wedi.

5

Mwoyo yedu inozadzwa nemi Mweya M'tsvene, Tinotenda imi, Baba, kuti munotida; Imi mune kuda kwenyu kunopinda kwedu Nekuziva izvo zvinhu zvakatinakira.