Bhaibheri
Sr. Victoria Sanyika (LCBL)
Chorus
M: S/A Mwari wangu naMambo wangu V: S/A Ndipeiwo mwoyo mukuru, mwoyo mukuru, Mwari wangu ndipeiwo mwoyo, mwoyo mukuruuu. B Ndipeiwo mwoyo mukuruu mukuruu, Mwari ndipeiwo mwoyo mukuruu. Part 1
1
Ndipeiwo maziso erudo nechitendero chokukuzivai. Nyangwe mumhutee nerima rinodzikatira chitendero changu
2
Mwari wangu ndiyeukei pandinoomerwa nerupenyu panguva yangu yerima pandinosurukirwa.
3
Mutsai mwoyo wangu une chinono kuti ndirangarire rudo rwenyu runondichengeta uye tsitsi dzenyu dzisina mugumo.
4
Negirasiya renyu ndichaedza kuti ndive ndakasiyana nezvandakanga ndiri nyangwe zvakaoma sei zvazvo.
5
Naizvozvo Mambo wangu ndibvisei hunhu husina maturo. Mundiite ane mwoyo mukuru chaiwo. Part 2
Chorus
All Ndibatsirei ndikuonei muvanhu vose varombo, vanhu nhando zvavo, vanosvoteswa navaya vakadzvinyirirwa.
6
Itai kuti munhu wose andinosangana naye ave nani pamusana pokundiziva afare nokuti apfuura napakanzira kangu.
7
Ndibatsirei pandinenge ndaneta uye kana ndagumburwa ndizviudze nechemumwoyo kuti 'Inga ndiMambo wani'.
Keep reading without a network
The free app carries every book, every hymn and seven Bible versions on your phone.