Tinouya kuna Mwari

1

Tinouya kuna Mwari Wavadzibaba vedu; Tinogara mumaoko Mavakagara ivo; Tinoisa kurumbidza, Tinotsvaka uso hwake, Savatsvene vakare.

2

Uyu wakatungamira, Achi'kutungamira, Uyu wakavadzivira, Achiri kudzivira; Ngoni dzakavandudza Vatadzi vasine simba Dzinotivandudzawo.

3

Zvivi zvakavaderedza Zvichi'kutiremera; Saivo tinobvumira Nyadzi dzemwoyo yedu; Saivo tinoteura Kuna Mwari anotinzwa Anotiropafadza.

4

Rufaro rwavo norwedu, Rufaro rumwe chete, Mweya waiva mavari, Agere matiriwo. Rwiyo rwakabva kwavari, Tinorupfuudza mberi Rwiyo rusingapere.

5

Imi vatsvene mouya. Imbai rwiyo urwo, Imbai rwiyo rwenhaka, Rwiyo rusingapere; Garai mumaoko aShe, Mugam'chire ngoni dzake Mumurumbidze iye.