BhaibheriIshe imi mandisimbaradza
Methodist Nziyo 295
1
Ishe imi mandisimbaradza Masikati pakudikitira, Garai neni zuva radoka Muve neni kakare usiku.
2
Kana mwoyo uchinge waneta, Izwi renyu rinondizorodza; Taurai izwi rorufaro, Riropafadze, rindinyaradze.
3
Kana muchinditara maurano, Ndaropafadzwa Jehovha Ishe; Kana ndinemi zuva ravira, Handidi chimwe chokukwanisa.
4
Uyai She muve mweni wangu Shure kwebesanwa nhasi uno, Ndipei rufaro nezororo, Ruponiso noruregerero.
5
Rapai maronda, nezvirwere Zvauya kwandiri musi uno, Kuti ndirege kugungudzika, Ndizorore pane mwoyo wenyu.
Keep reading without a network
The free app carries every book, every hymn and seven Bible versions on your phone.